السلام عليكم ..
كيفكم ؟
رجعت لكم مع الدرس اللي وعدتكم أسويه لكم .. بعد ما طلبتوه مني ..
والسموووحه على التأخير ... بس الدرآسه شآغله وقتي :)
هذا هو موضوعي لـ تطبيقآتي لفن السبلآش ،
تصويري ل فن " السبلاش " ،
جيتكم بدرس جدا بسيط و سهل ..
والكل يقدر يسويه ..
أهم شي في السبلاش .. هي الاضاءه العاليه.. ليش؟
لأن نحن بتصوير السبلاش نصور بـ شتر سريع جدا .. " سرعه غآلق سريعه " .. وهالشي بحاجه لـ اضاءه ممتآزه..
بصررراحه أنا انصحكم بأضاءه الشمس .. مافيه احلى عنها .. و الوقت من 10 - 12 الظهر .. لان بعد كذا الشمس تكووون قويه وااايد .. و يتكون ظل بالصوره و... الخ ،
بصرراحه بالدرس اللي بحطه لكم أنا صورت بعد الساعه 12 ..
لان ما مداني اطلع بدري أكثررر ..
وطبعا طلعت بنتآيج مو مرضيه بالنسبآلي ..
وكمآن لما وصلت لموقع التصوير اكتشفت اني نآسيه عدستي 55mm-250mm
واضطريت أصور بالعدسه الاوريجنال .. وطبعا هنا يكون العزل مو كثير :)
طووولت عليكم .. خلينا نبدأ ..
اخليكم مع الشرررح
أول شي لازم الوضع يكون على الوضعيه M
![]("http://www.3roos.com/files/ups/2012/181116/11354077137.jpg")
والاهم لازم العدسه نفسها تكووون محطوطه على وضع المآنول ..
![]("http://www.3roos.com/files/ups/2012/181116/91354077107.jpg")
و هذي الاعدادات اللي استخدمتها ..
![]("http://www.3roos.com/files/ups/2012/181116/01354077137.jpg")
* الآيزو .. " حساسيه الضوء " دآئما أفضل تكون 100 او 200 .. و لا ترفعوها أكثررر ..
* فتحه العدسه هنا انا صغرتها حطيتها على F16 لان الشمس كانت عموديه في عز النهار والاضاءه قويه ..
يعني كل ما كبرتوا الفتحه .. بكذا تسموحون لـ كميه اكبر من الضوء انها تدخل .. والعكس
* الشتر حطيته 1/50 و يصير تقللوا و تزيدوا شوي ع حسب الاضاءه اللي عندكم..
نحتآج لـ ترآيبود " حآل الكيمرآ "
![]("http://www.3roos.com/files/ups/2012/181116/91354077137.jpg")
و احتجت قهوووه..
![]("http://www.3roos.com/files/ups/2012/181116/81354077137.jpg")
و بصررراحه كثير بتحتاجون منه
لان السبلاش مايضبط من اول ضررربه .. انا يمكن صورت 150 صوره و ضبطوا معي 20 بس ..
و جبت من الـ M&MS
![]("http://www.3roos.com/files/ups/2012/181116/71354077137.jpg")
طبعا هالشي اختياري على حسب سبلاش شو انتوا بتسوون.. يعني بالاصح يعتمد على التكوين اللي راح تعتمدوا عليه ،
و
![]("http://www.3roos.com/files/ups/2012/181116/61354077137.jpg")
تكويني صآر جآآهز ,
![]("http://www.3roos.com/files/ups/2012/181116/21354077137.jpg")
الحين بعد ما تخلصوا من التكوين ..
لازم نضبط الفوووكس .. من مقدمه العدسه اللي خبرتكم نحطه ع المآنول ..
شوفوا وش تسوون :
![]("http://www.3roos.com/files/ups/2012/181116/41354077137.jpg")
تحطووون ايدكم فوق الكوب ولا تحطوا اي شي .. وتضبطون الفوكس على هالاسآس ..
هالشي جدا مهم عشان يكون السبلاش واضح ..
بعدين تعبوا الكآسه بالقهوه .. و ترموا أي حاجه ع القهوه ..
![]("http://www.3roos.com/files/ups/2012/181116/31354077137.jpg")
و
![]("http://www.3roos.com/files/ups/2012/181116/51354077137.jpg")
و طبعا لازم يكون التصوير بلحظه التمآس الحجر ولا الشي اللي استخدمتوه في الرمي بالسآئل او القهوه :) و لو كان بعده بشوي بعد بيطلع روووعه .. مثل سبلاش الببسي اللي حطيته صورته بموضوعي تصويري ل فن " السبلاش " ،
و بس ..
أتمنى أكون فدتكم و لو بشي بسيط .. و اتمنى كثيررر اشوف تطبيقآتكم :)